GONZALO PORTUGAL (Bilbo)

Jazzherrian 2023

Gonzalo Portugal Bilbon jaiotako musikaria da. 16 urtez, Last Fair Deal taldeko buru izan ondoren, eta atzean hiru disko dituela, beste urrats bat eman du bere ibilbidean eta bakarkako proiektuari ekin dio. Abentura berri horretako lehen lana “On My Way” izeneko EP bat da. Larrabasterran grabatu zuen 2022ko urtarrilean, Sweet Saul Estudioan, Saul Santolariaren agindupean. Gonzalok berak ekoitzi zuen. Bluesaren ikuspegitik estilo desberdinak erakusten ditu bertan. Lau abesti ditu: hiru konposizio propio eta “Rollin ‘and Tumblin” blues tradizionalaren bertsio bat.