GALLETAS DE QUESO

Txotxongiloak. Txo Txitelles taldearen eskutik

Ikuskizunaren protagonista Ignasi da, bakarrik bizi den agurea. Bere bizitza errutinazkoa da, asaldurarik gabea: egunero gauza berak egiten ditu ordena berean, nahiz eta Ignasik entrenamendu moduko bat bezala hartu aktibo eta esna mantentzeko. Eta, eguneroko ekintza horietatik guztietatik, bada bat bereziki aktibatzen duena: askaria, te katilu bat gazta-galleta gozoz lagunduta. Arratsaldero irrikaz itxaroten du eseri eta, banan-banan, bizkotxo bikain hauek dastatzeko unea, plazer handia. Egun batean, ordea, errutina aldatu egiten da: Ignasik galleta kaxa irekitzen duenean… hutsik aurkitzen du! Nork jan ditu? Kutxaren hondoan irekitako zuloak enigmari erantzuten dio.
Galetes de fromage Txo Teatre de Titellesen sorkuntza da, txotxongiloen mundua modu atsegin eta originalean ezagutarazten duen konpainia. Honen berezitasuna da Inazio, karraskari txiki baten lagun bihurtuko den agure bakartia, giza tamainako txotxongilo bat dela, gure familiako zaharrenak gogoraraziko dizkiguna. Hitzik esan gabe, enpatiaz eta adiskidetasunaz hitz egingo digu. Proba ditzagun