AGURAINGO MUSIKA ESKOLAKO MATRIKULA 2023-2024 IKASTURTEA

AGURAINGO MUSIKA ESKOLAKO MATRIKULA
2023-2024 IKASTURTEA

EPEAK

Lehengo epea: 2022-2023 ikasturtean matrikulatutako ikasleentzat, 2023ko maiatzaren 15tik 28ra irekiko da matrikulazio-aldia. Izena emateko eskabideak online edo aurrez aurre egingo dira, baina modalitate bakarrean. Data horien barruan matrikula behar bezala egiten ez bada, ikasleek erreserbarako eskubidea galduko dute.

Irakasgai berriren bat egin nahi duten 2022-2023 ikasturteko ikasleek matrikulazioan adierazi beharko dute, eta ikasgai berri horretarako ikasle berri gisa hartuko dira kontuan.
Matrikularen ordainagiria matrikulazio-aldian aurkeztea BEHARREZKOA da. Ordainketaren egiaztagiririk gabe EZ DA KONTUAN HARTU matrikularen eskaera.

Bigarren epea: ikasle berrientzat ekainaren 2tik 11ra irekiko da matrikulazio epea. Online bakarrik aurkeztu beharko dute matrikula-eskaera (matrikularen zenbatekoa helbideratuko zaie onartutako ikasleei). Matrikulatzeko epea amaituta, onartutako ikasleen zerrendak eta itxarote-zerrendak argitaratuko dira.
Data horien barruan matrikula behar bezala egiten ez bada, ikasleak plaza erreserbatzeko eskubidea galduko du.

Erreklamazio-epea: matrikulazio-epea amaituta eta onartutakoen eta baztertutakoen zerrendak argitaratuta, Musika Eskolak erreklamazio-epeak hasiko ditu, eta behar bezala jakinaraziko ditu eskola barruko beiratean.

MATRIKULA EGITEKO ORDUAN

Matrikulan zalantzarik balego, Musika Eskolako zuzendariak nahi duenaren esanetara egongo dira, bai eskolan, bai Aguraingo Udalean, bai musikaeskola@agurain.eus helbide elektronikaren bidez, sor daitezkeen zalantzak argitzeko. Etxean behar diren mekanismo teknologikoak ez izateagatik matrikula online egiterik ez badago, eskolak edo Udalak Interneterako sarbidea duen ordenagailu bat jarriko du eskatzailearen esku, matrikula edo eskabidea paperean egiteko. Eskatzaileak bi formatuetako bat aukeratu beharko du.

ZERRENDAK

Ekainaren 1ean plaza libreak zozketatuko dira. Ikasleak hautatzea:

1. Aurreko ikasturteetan matrikulatutako ikasleek lehentasuna izango dute eskatzaile berriekiko; halaber, 1. mailako ikasleek (7 urte) plaza erreserbatuko dute.
2. Aguraingo Udalean erroldatutako eskatzaileek lehentasuna izango dute erroldatu gabekoen aurretik.
3. Lehentasuna emango zaie aurreko ikasturtean musika-hizkuntza instrumenturik gabe ikasI duten ikasleei, bai eta eskolako instrumentu-multzoren batean soilik ikasten dutenei ere, musika-tresnan matrikularik izan gabe.
4. Eskatzaile berrien kopurua dagoen plaza-kopurua baino handiagoa bada, honako zozketa hauek egingo dira lehentasun-ordena ezartzeko. Horrela, bada, letra baten zozketa egingo da, eta horren bidez instrumentu espezialitatea aukeratzeko ordena egingo da (zozketa honek Musika Eskolako instrumentu eta itxaron zerrenden hautaketa guztietarako balioko du 2023-2024 ikasturterako). Egun horretan bertan, ekainaren 1ean, Musika Eskolan, 1. mailako ikasleek (7 urte) instrumentua aukeratuko dute.

DATU INTERESGARRIAK

2023-2024 ikasturtean jarraitu nahi ez duten ikasleek matrikulazio-aldian jakinarazi beharko dute matrikula automatikoan, bajaren laukitxoa adierazita.

Matrikula ordaintzea nahitaezkoa da. Behin matrikula eginda, ez da matrikula itzuliko, salbu eta, Musika Eskolan matrikula egin ondoren, aurrematrikulatu den ikasturtean Lanbide edo Goi Mailako Kontserbatorio batean sartzeko proba bat gainditu ondoren onartzen den ikasleen kasuan.

Hileko kuotak, ikaslea Musika Eskolan sartzeko data edozein dela ere, orokorrean ezarritakoak izango dira, inolako hainbanaketarik gabe.

Familiei dagozkien hobariak matrikulazio-aldia amaitu ondoren eta ikastaroaren esparruan egingo ditu Udalak.

BAJAK. GAI GARRANTZITSUA.

Eskolan baja hartzen duten ikasleek hileroko guztiak ordainduko dituzte ikasturtea amaitu arte, gaixotasunagatik edo agiri bidez behar bezala justifikatutako arrazoi medikoengatik izan ezik.

KUOTAK

HOBARIAK
Ordenantzan jasotako hobariak Aguraingo Udalak egingo ditu ikasturtea hasi ondoren.

MUSIKA ESKOLAKO ESKAINTZA

(*) Ikasle kopuru nahikoa badago eskainiko da.

(*) Baliteke eskolak emateko egunak aldatzea, baina, hasiera batean, 2022-2023 ikasturtekoak mantenduko dira.

• Musikaz gehiago gozatzen lagunduko dion harmonia modernoan interesa duen edonorentzat.
  
  HELBURUA
  Kontzeptu harmonikoak ikastea.
  Ikasitakoa praktikan jartzea.
  
  ZENBAT ETA NOIZ
  Ordubete astean.
  Ordutegia ikasleekin zehaztuko da ikasturte hasieran.

INSTRUMENTU TALDEAK

TRIKITIXA/PERKUSIOA/GITARRA KLASIKOA

NORENTZATTrikitixa, perkusio eta gitarra klasikoko ikasle guztiak, 2.2 mailatik aurrera.

HELBURUATaldeko praktikaz gozatzea.
Instrumentu klaseetan ikasitakoa indartzea.
Ikasleen arteko errespetua, komunikazioa eta partitura bateko ahots desberdinak lantzea.
ZENBAT ETA NOIZ45 minutu astean.
Ordutegia ikasleekin zehaztuko da ikasturte hasieran.

NORENTZATHonako instrumentu hauen ikasle helduak: saxoak, klarineteak, tronboiak, tronpetak, bateria, baxua, piano-teklatuak, gitarra elektrikoa, ahotsa, etab.

HELBURUATaldean jotzea eta taldeko praktikaz gozatzea.
Hainbat estilotako musikaz gozatzea.

ZENBAT ETA NOIZ45 minutu astean.
Ordutegia ikasleekin zehaztuko da ikasturte hasieran.

• Txistua ikasi eta/edo hobetu nahi duten eta, gainera, kalean txistulari talde batean (kalejirak eta euskal dantzak) eta txistulari kontzertuetan (txistulari banda formatuan edo beste instrumentu batzuekin elkarlanean) parte hartu nahi duten guztientzat.
  Instrumentuak: txistua, silbotea eta danbolina.
  
  HELBURUA
  Taldean jotzea eta txistulariaren bizitzaz gozatzea.
  
  ZENBAT ETA NOIZ
  Ordubete astean.
  Ordutegia ikasleekin zehaztuko da ikasturte hasieran.

• Gazteak: 9-10 urtetik aurrera abestea gustatzen zaienei zuzendua.
  Helduen Bokal Multzoa: abestea gustuko duten heldu guztiei zuzendua.
  
  HELBURUA
  Taldean abestearen esperientzia bizi. Ahots-teknika, entzumena, musika-memoria, hizkuntzak eta hainbat musika-estilo landuko ditugu, giro dibertigarrian.
  
  ZENBAT ETA NOIZ
  Ordubete astean.
  Ordutegia ikasleekin zehaztuko da ikasturte hasieran.

• Hari-interpreteei zuzendutako bi orkestra. Bi taldeak biolin, biola, biolontxelo eta kontrabaxuari zuzenduta daude batez ere, baina haize eta perkusio instrumentuek ere badute beren lekua orkestra hauetan.
  Orkestra TXIKIA: II. mailako ikasleei zuzendua.
  Lautadako ORKESTRA: III. mailan eskuratutako trebetasun teknikoak dituzten instrumentistei zuzendua.
  
  
• Orkestra TXIKIA: bere mailara egokitutako errepertorioarekin lan eginez, helburu nagusiak hari-ikasle gazteak taldean joz gozatzera eta orkestra baten dinamikako lehen urratsak eta, oro har, talde-lana ikastera animatzea dira.
  
  Lautadako ORKESTRA: errepertorio zabalago batean lan egitean, hainbat proiektu garatzen dira, musika klasikotik hasi eta musika modernoraino.
  
  ZENBAT ETA NOIZ
  Orkestra TXIKIA: asteazkena 18: 15-19: 00.
  Lautadako ORKESTRA: astelehenak: astelehena 18: 15-19: 45 eta larunbata (hilean bat) 10: 00-13: 00

• Folk musika edo herri-musika irakasgaia herri-musika bere gama zabalenean gustuko duten ikasleei zuzenduta dago, ikaslearen adina eta jotzen duen instrumentua (soka, haizea, perkusioa, pianoa, gitarra, akordeoia, trikitixa, baxua, etab.) kontuan hartu gabe.

• Musika folklorikoko errepertorioak lantzea eta ezagutzea, taldeko musikaz gozatzea, abestiak sortzeko prozesuari buruz ikastea.
  
  ZENBAT ETA NOIZ
  Asteartea 18: 30-19: 30

ORDAINKETA EGITEKO BANKUKO KONTUAK

(Adierazi ikaslearen izena eta irakasgaia)

KUTXABANK: ES11 2095 3234 1110 9095 6433

CAJA LABORAL KUTXA: ES73 3035 0051 11 0510011152

CAIXABAK: ES47 2100 4708 5502 00011831

informazio gehiago:

MATRIKULA EGITEKO ON-LINE FORMULARIOA -IKASLE BERRIAK- HEMEN

MATRIKULA EGITEKO OFF-LINE FORMULARIOA -IKASLE BERRIAK- HEMEN

MATRIKULA EGITEKO OFF-LINE FORMULARIOA -MUSIKA HIZKUNTZA EDOTA TALDE INSTRUMENTALAK- HEMEN

INFORMAZIO OROKORRA (Euskaraz eta gaztelaniaz) HEMEN